بيت الافاعي

البارت الثالث

البارت الثالث

هبه كانت قاعده تفكر في الموضوع بتاع اسامه ويا ترى تكمل ولا ما تكملش وهي قاعده تفكر جت لها رساله من رقم غريب على التليفون اتصدمت لما شافت اللي جواها الرساله كان مكتوب فيها .. اهربي يا هبه مش هتستحملي العيشه مع الناس دي بعد ما قرات الرساله قعدت تتصل بالرقم كثير لقيت الرقم ما كانش بيرد عليها وبعد شويه اتصلت الرقم اتقفل خالص وما بقتش عارفه مين اللي باعت لها الرساله دي بعد ما قرات الرساله قاعده تفكر يا ترى مين اللي باعت لها وبيقول لها الكلام ده وهل فعلا الكلام اللي مكتوب في

الرساله ده حقيقي ولا واحد عاوز يوقع بينها وبين اسامه فكرت انها توري له الرساله اللي اتبعتت لها دي لاكن قالت انها تسكت وتشوف ممكن يكون في حاجه هتحصل تاني وهي قاعده تفكر مامتها دخلت عليها مامت هبه : مالك يا هبه قاعده في الاوضه لوحدك و قافله على نفسك من ساعه ما جئنا من المشوار ده هو في حاجه حصلت بينك انت واسامه ولا ايه

هبه : لي ماما بتقولي كده

مامت هبه : باين على وشك يا بنتي انك متضايقه وحبسه جواكى حاجه

هبه : لا ابدا يا ماما ما فيش اي حاجه بالع** انا فرحانه ان انا رحنا اتعرفنا على اهل اسامه

مامت هبه : انا امك يا هبه ما تكذبيش علي انا عارفه كويس انك متضايقه عشان المعامله اللي مامته عملتها لك هناك انا كنت ملاحظه جدا نظرتها ليكى وباين انها مش حباكى انا يا بنتي مش باقول لك الكلام ده عشان تفتكري اني عاوزه اغصبك على احمد ابن خالتك ربنا اللي يعلم اني عاوزه راحتك وبس وغير ان انا خايفه جدا عليكى من الست دي وحاسه انها ست مش سهله و هتعمل لك مشاكل من اولها

هبه : والله يا ماما حتى لو هي ست مش سهله فهيبقى لنفسها لاني هابقى في حالي وهي في حالها ومش هاخليها تتدخل في خصوصياتي خالص

مامه هبه : ربنا يهدي سرك يا بنتي على العموم انا كنت جاي اقول لك ان خالتك جايه عشان تزورنا وكانت عاوزه تتكلم معاكى شويه

هبه : تاني يا ماما برده نفس الموضوع ما انا قلت لك اني مش موافقه على موضوع احمد ابن خالتي ده هي جايه تتكلم معايا في ايه

مامه هبه : اكيد يعني مش جايه تكلمك على الموضوع ده الموضوع اتقفل وخلاص هي سالتني على الموضوع بتاع اسامه ده وانا قلت لها على اهله هي عاوزه تاخذ العنوان وتروح هي وجوز خالتك يسالوا عليهم في المكان ده عشان اكيد هم خايفين عليكى مش عشان حاجه يعني

هبه : انا ياماما مش عاوزه اي حد يدخل في الموضوع بتاعي انا واسامه ده خالص هو انت بتدخلي اهلك لي في الموضوع

مامت هبه : يا بنتي دي خالتك يعني زي امك بالضبط وخايفه عليكى زي ما انا خايفه عليكى امال احنا هنتجوز كل واحد ما بتسالش علي اهله في المنطقه لازم طبعا نسال عليهم ونعرف سمعتهم وسط الناس عامله ازاي

هبه : نسال على مين يا ماما وبعدين ايه الكلام القديم ده ما بقاش في احد بيسال علي احد دلوقتى وافردى كانوا متخانقين مع احد في المكان و قال عليهم انهم ناس مش كويسين احنا بقى هنروح نصدقهم

مامت هبه : يعني ايه يا هبه انتى عاوزه تتجوزي واحد ما اعرفش عنه اي حاجه وفي الاخر يحصل اي مشكله ونقول يا ريت اللي جرى ما كان لا طبعا انت مش هجوزك اسامه ده ولا هناخذ اي خطوه ولا حتى خطوبه غير لما نسال عنه ونعرف اهله كويس عاملين ازاي

هبه : خلاص يا ماما اللي تشوفيه وبعدين عاوزين تسالوا عنه روحي انت وبابا هو انت مدخله خالتي في الموضوع ليه ولا انت عاوزاها تروح وتقول لك ان هم مش كويسين عشان خاطر تطلع ان ابنها ما فيش زيه مامت هبه : عيب اللي انت بتقوليه ده يا هبه والكلام اللي بتقوليه على خالتك ده ما يصحش ان خالتك كل همها مصلحتك ومات قصدش اي حاجه قلت لها ان هم ساكنين في المكان لو بيت عيله قالت لي ان قرايب جوز خالتك هناك وهيبقى له عليهم بس مش اكثر

هبه : خلاص يا ماما اللي تشوفيه

مامت هبه : طيب يلا تعالي الباب بيخبط دي اكيد خالتك اللي جاءت دخليها و تعالى عشان تسلمي عليها لانها عاوزه تقعد معاكى

هبه: افضل يا ماما لو سمحت تطلعي دلوقت لنا شويه واطلع اقعد معاكم جدا من مامتها عشان رايحه فاتت وكلتها على كل عنوان الناس وهي ما خرجتش عاوزه الموضوع يوصل لكل الناس قبل ما يتم لكن مامتها مابتخبيش اي حاجه عن خالتها خالص قامت غيرت رقمها وطلعت بره عشان تشوف خالتها كلمتك عليها خالت هبه :مب**ك يا هبه فرحت جدا لما عرفت .. الله يبارك فيكى يا خالتو بس ماما مش عارفه مالها مش متقبلهم ليه

خالت هبه : ان شاء الله لما ياخذوا على بعض هتفرح بيهم ويبقوا كويسين مع بعض كده بس قولي لي يا هبه الناس دي ساكنين فين بالضبط بينهم قرايب من بيت عادل جوزي في نفس المكان خليه يسال عنهم احسن يا بنتي ما يحصل اي مشكله وفي الاخر نقول يا ريت اللي جرى ما كان

هبه : هنقول يا ريت اللي جرى ما كان ليه يا خالتي وبعدين انا اعرف اسامه كويس من زمان في الجامعه هو انسان محترم جدا وانا بصراحه كده معجبه به من زمان و موافقه عليه وما ليش دعوه بقى له حتى لو اهله مش كويسين انا اللي لي اسامه

خالت هبه : الكلام اللي انت بتقوليه ده ما ينفعش يا هبه وانت يا بنتي هتكوني في بيت عيله عارفه يعني ايه يعني كل تحركاتك وكل حياتك هتبقى في بيت اهله ما تفتكريش ان اللي بتتجوز في بيت عيله دي بتبقى حره يا بنتي دول ب يتدخلوا في كل صغيره وكبيره في حياتها انت مش مجرد هتتجوزي اسامه بس اهله هيبقى عايشين معاكى في بيتك ويدخله ويخرجوا على راحتهم وبيوت العيله دي بتخرب الدنيا و بيبقى في مشاكل كثير جدا

هبه : والله يا خالتي انا واثقه في اختياري وعارفك كويس البني ادم اللي هتجوزه ده هيعملنى ازاي وما ليش دعوه باهله وبعدين انا شايفاكي متعصبه و متضايقه قوي عشان موضوع احمد ابنك بصراحه كده يا خالتي احمد ده انا بعتبره اخويا من زمان و عمري ما تخيلت اني احبه ولا نبقى في بيت واحد

خالت هبه : بقى كده يعني انا عايزه مصلحتك وانتى تقولي لي اني متضايقه ومتغاظ عشان موضوع ابني شكرا يا بنتي خلاص انا ماشيه ومش هسال تاني على حد ولا هاتدخل في حاجه تاني و قامت مشيت وهي زعلانه جدا وحزينه من الكلام اللي هبه قالته و بعد ما خالت هبه مشيت مامتها زعقت لها وقالت لها .. ايه الكلام اللي راحتى قلتيه لخالتك اللي زي الزفت ده

هبه : و يعني انتى كنت عاوزاني اعمل ايه يا ماما مش شايفاها مدخله في كل حاجه ازاي

مامت هبه : يعني خالتك اللي انتي طول عمرك بتعتبريها امك دلوقتي بقت وحشه وبتدخل في الي ملهاش فيه .. انتي خالتك دي اللي كنتي وانتي صغيره بتقعدي معاها طول اليوم و بسيبك لوحدك معاها كنتي بتحبيها زي ما بتحبيني بالضبط قلبتي عليها في ثانيه عشان خاطر اسامه بتاعك .. ماشي يا هبه ما ترجعيش بقى تعيطي بعد الجواز وتقولي لي انك كنت غلطانه عشان ساعتها مش هعبرك ولا هاقف جنبك انا من دلوقت باقول لك انا مش مرتاحه للناس دي والله لو انتي بقى مرتاحه وموافقه انت اللي هتشيلي كل ده لوحدك

هبه : ماشي يا ماما وانا ما طلبتش منك انك تشيلي حاجه معايا وهو فعلا اختياري مش هاتجوز غير اللي انا اختاره .. دخلت مامت هبه جوه اوضتها وسابت هبه قاعده لوحدها كانت متضايقه منها جدا بسبب كلامها مع خالتها وهبه كمان اتضايقت من نفسها لانها اول مره تتكلم معا خالتها بالطريقه دي والاسلوب ده وقالت انها هتبقى تتصل بيها تعتذر لها في التليفون بس كان كل اللي شاغل تفسيرها موضوع الرساله اللي جاءت لها على التليفون وعاوزه تعرف مين اللي بعت لها رساله دي دخلت هبه لقيت اسامه متصل بها اكثر من ثلاث مرات كلمته

اسامه : ايوه يا هبه انتى مش بتردي ليه

هبه : كنت قاعده بره مع ماما يا اسامه وما كنتش سامعه التليفون اسامه انت لسه متضايقه من الكلام بتاع ماما ولا ايه

هبه : انا ايه اللي هيضايقني يعني يا اسامه اكيد انا متضايقه شويه عشان طريقه مامتك معنا ما كانتش كويسه خالص وخصوصا اننا كنا في بيتهم وكان المفروض تتعامل معانا معامله ثانيه خالص بس خلاص يعني اللي حصل

اسامه : طيب انا عاوز اقابلك بكره اقعد اتكلم معاكى شويه في كذا حاج

هبه : تتكلم معي في ايه يعني

اسامه : لما ابقى اشوفك بقى...

هبه قفلت مع اسامه وهي عماله تفكر يا ترى هو عاوزها في ايه وبدا تقلق وتقول في نفسها اوري له الرساله اللي اتبعتت لي ولا لا قالت هتكتبها ب*روفها واشوف كده هيقول لها ايه و لو حصل اي حاجه هتبقى توري له الرساله اللي جاءت لها عشان يفهمها معنى الكلام اللي جواها ده تاني يوم الصبح.. هبه لبست عشان تروح الجامعه لانها كان بقى لها كثير ما رحتش الجامعه بسبب تحضيراتها انها تستقبل اسامه واهله وانها كانت رايحه لهم كانت واخذه اجازه حوالي اسبوع من الفرحه لما راحت اصحابها سلموا عليها وقالوا لها انت كنت مختفيه فين اضطرت انها تحكي لهم على الموضوع بتاع مشروع الخطوبه اللي بينها وبين اسامه كان في واحده من اصحابها اسمها هاله زمان هي واسامه كانوا مرتبطين وهبه عارفه الكلام ده كويس اول لما عرفت موضوع خطوبتها هي واسامه وشها تغير جدا وهبه حست انها متضايقه اخذتها على جنب عشان تبين لها موقفها من ناحيته لكنها له استغربت ان ازاي هبه وافقت على اسامه

هبه : انتى تقصدي ايه يا هاله بالكلام اللي انتى بتقوليه ده بالضبط

هاله :انا اقصد