بيت الافاعي

انا هحكيلكم حكايتي في بيت الافاعي متفهمونيش غلط دي صفة مش اسم .. الموضوع بدأ معايا لما كنت في الجامعه انا اسمي هبه وعندي ٢٩ سنة من حوالي عشر سنين وانا في تالته جامعه اتعرفت علي اسامه في الاول كنا اصحاب عادي ومفيش بيننا اي حاجه لما كان بيشوفني محتاجه اي ملازم او في ماده واقفه معايا لانه كان شاطر جدا في الدراسه كان بيجيء يراجعلي في الجامعه مع اصحابنا باهتمام وبدا يزيد اهتمامه بيا يوم عن الثاني وانا من كثر اهتمامه ليا بدات اني احبه خلصت السنه وهو كان في سنه التخرج واتخرج ومن ساعتها انقطعت اخباره ما بقتش عارفه عنه اي حاجه لاننا مجرد زمايل حتى ما كانش معايا رقمه بدات اني اسال عليه لكن كل الناس اللي تعرفه كانت اكبر مني وكلهم اتخرجوا من الجامعه فقدت الامل وبدات اعيش حياتي وانا كنت في سنه التخرج بعد حوالي شهرين من الدراسه لقيته جاي الجامعه فرحت جدا وقلتله انت كنت فين انا كنت بسال عليك كل الناس وما حدش كان يعرف عنك حاجه رد عليا وقال لي انا كنت بادور على شغل كويس عشان انا مش عاوز اقول لك كلام انا مش قده هبه : مش قده ازاي يعني انا مش فاهمه منك اي حاجه . اسامه : بصراحه يا هبه انا معجب بيكي من زمان وما كنتش عاوز افتح في الموضوع ده غير لما يبقى ليا شغل ثابت هاقدر اروح اتقدملك بجراءه انا فعلا عندي شقتي في بيت اهلي لكن ما كانش ينفع اجي افتح في موضوع زي ده وانا على الاقل ما عنديش شغل ثابت حتى لو المرتب ضعيف بس ابقى موظف وخلاص . ‏هبه : انت فاجئتني يااسامه اصلك عمرك ما فتحتني في الكلام ده واحنا مع بعض في الجامعه اسامه : انا مش عيل انا لما افتح فيه الموضوع ده لازم ابقي اد الكلام بتاعي وهياخد خطوه رسميه مش مجرد اني باقول لك معجب بيكي وخلاص انا عاوز اجي لبيت اهلك اتقدملك عشان ما نبقاش بنعمل حاجه غلط . ‏ هبه : بس انا لسه قدامي سنه اخلصها . ‏اسامه : ما عنديش مشكله السنه دي اللي نتخطب فيها وبعد لما تخلصي ان شاء الله نبقى نتجوز بس انتي خذ*لي ميعاد من اهلك عشان اقدر اجي اتكلم معاهم واتقدملك . ‏ هبه : انت مستعجل كده ليه يا اسامه لسه بدري على الكلام ده . ‏اسامه : يعني ايه افهم من كده ان في حد ثاني في حياتك ولا ايه .. ‏ هبه: لا طبعا يا اسامه ما فيش اي حد في حياتي ده انا كنت بادور عليك وما كنتش متخيله ان كان هيعدي عليا يوم من غير ما اشوفك كل يوم بس الحمد لله انك جيت ثاني انت بجد وحشتني قوي اسامه : وانا كمان والله ما تعرفيش الشهرين دول عدوا عليا ازاي كنت محتاج اني اكلمك قوي لكن ما كنتش عاوز اجي واشوفك غير لما اتثبت في الشغل اللي انا فيه انا لقيت شغل كويس جدا ومرتبه كويس و ان شاء الله هنقدر نعيش منه بعد الجواز. ‏ روحت على البيت وانا الفرحه مش سيعاني وقلت لبابا وماما ان في واحد زميلي عاوز يجي يتكلم معاكم و يتقدملي بابا وماما قاعده يسالوني عليه وعلى اهله قلت لهم اني ما اعرفش اي حاجه عن اهله ولكن عارفاه هو كويس و انه انسان محترم وكويس وساعدني كثير في الدراسه بتاعتي وانا كمان مش مانعه خالص اني اتخطبله بابا وماما كانوا ناس دماغهم كبيره جدا وكل اللى يهمهم اني اكون مبسوطه في حياتي و سعيده مش هاممهم مستواه عامل ازاي ولا هو هيجيب ايه اهم حاجه اني ابقى مبسوطه معاه ومع اهله وان اهله يكونوا ناس كويسين رديت عليهم وقلت لهم انا بصراحه ما شفتش حد من اهله قبل كده لكن هو محترم جدا ومؤدب وعمري ما شفت منه اي حاجه وحشه او حد اشتكى منه في الجامعه قبل كده اكيد واحد متربي بالطريقه دي اهله ناس كويسين و عرفوا يربوه كويس . ‏ماما ردت عليا ساعتها وقالتلي مش شرط اوقات كثير العيال بتبقى متربيه وكويسه واهلهم ناس مش كويسه والع** اوقات كثير عيال بيكونوا ما شافوش تربيه في حياتهم معانا هل هم ناس كويسين جدا احنا لازم نتعرف عليهم ونشوفهم فعلا ناس محترمه ولا لا . ‏ هبه : اكيد يا ماما قبل ما يتم اي حاجه هنتعرف عليهم وهيقولنا البيت ونروح لهم بيتهم لكن هو دلوقتي طالب مني اني اخذ منكم ميعاد عشان يجي هو واهله يتكلم معاكم في موضوع خطوبتنا بابا هبه : كبرت يا بنتي عاوزه تمشي وتسيبيني يا هبه بسرعه كده . ‏هبه : والله يا بابا على عيني بس فعلا اسامه انسان كويس ولما انت ما تشوفوها تحبه جدا و هتفرحوا انه هيبقى خطيب بنتك . ‏ بابا هبه :خلاص احنا موافقين نقا**ه خليه يجي يوم الجمعه الجايه . ‏ هبه : خلاص يا بابا ان شاء الله هاقول له انكم وافقته . ‏مامت هبه : ماشي يا بنتي بس خليه يجي هو واهله ما يجيش لوحده انا اهم حاجه عندي اشوف اهله عاملين ازاي عشان ما نرجعش من جنبك خالص يا ماما اكيد اهله ناس محترمه دي حاجه انا متاكده منها. ‏ دخلت هبه الاوضه وماسكه التليفون عشان تتصل باسامه لانها اخذت منه الرقم بتاعه وهو خذ رقمها عشان مش هيقدر يجي لها الجامعه كل شويه . ‏ اسامه : ازيك يا هبه عامله ايه طمنيني عملتي ايه انا قاعد من ساعتها واتوترت كاني عندي امتحان في الثانويه العامه كلمتي اهلك على الموضوع بتاعنا . ‏هبه : ايوه يا اسامه بابا وماما ما عندهمش مانع انك تيجى تقا**هم . ‏ اسامه : طيب الحمد لله وهاجي هتيجي يوم الجمعه بس هم عندهم طلب انك لازم تيجي انت واهلك. ‏ اسامه : انا كنت عاوز المقا**ه الاولى دي اجي انا اتعرف على باباكي ومامتك لزمته ايه اجيب اهلي هبه : ده شرطهم انك لازم تجيب اهلك ويتعرفوا عليهم وبعدين ايه المشكله مش انت اهلك عارفين انك عايز تخطب . ‏اسامه : ايوه طبعا عارفين ماشي على العموم انا هتفق مع اهلي وهاجي واجيلكم يوم الجمعه ان شاء الله . ‏قفلت هبه مع اسامه التليفون وهي الفرحه مش سايعاها عشان خلاص كلها سنه و حياه جديده مع الشخص اللي بتحبه هي كانت بتحبه من اول ما عرفته ولكن مكنتش قادره انها تقوله الكلام ده وهي قاعده سرحانه في مستقبلها مامتها خبطت على الباب .. ‏ هبه : تعالى يا ماما اتفضلي. ‏ مامه هبه : انا كنت جايه عاوزه اتكلم معاكي كلمتين يا بنتي. ‏ هبه :خير يا ماما في ايه . ‏ مامت هبه : انا عمري ما فرضت عليكي حاجه ولا غصبت عليكي اي حاجه من وانتي صغيره كل حاجه بتعمليها بتبقى قرارك لكن الجواز ده لازم تفكري بعقلك شويه انتي متاكده ان اللي اسمه اسامه ده محترم واهله كويسين و هتقدري تعيشي معاه مبسوطه . ‏ هبه : بالنسبه لاسامه يا ماما هو شخص محترم جدا وبصراحه انا معجبه بيه جدا لكن اهله انا ما اعرفش عنهم حاجه هو انتي يا ماما بتتكلمي كده ليه وعاوزه توصلي لايه بالضبط. ‏ مامت هبه : اصل احمد ابن خالتك مكلمني عليكي من الاسبوع اللي فات وانا كنت مستنيه تيجي فرصه اني اقول لك لكن ما جتش اي فرصه كنتي مشغوله في الجامعه وانتي فاجئتيني النهارده بموضوع اسامه ومش عارفه ارد على احمد اقوله ايه . ‏ هبه : بقى ان الموضوع كده يعني انتي عاوزه تختاري فرحتي تجوزيني لابن اختك وانا مش بحبه . ‏ مامت هبه : لا والله يا بنتي بس احمد بيحبك من زمان ومن وانتم صغيرين وانا ملاحظه الموضوع ده . ‏هبه : ما انا عارفه يا ماما لكن انا مش متقبلاه ولا ما اعتبراه غير انه اخويا وبس وعمري ما هابصله اي نظره على انه ممكن يبقى في يوم من الايام معايا في بيت واحد بعد اذنك يا ماما اقفلي الموضوع ده خالص . ‏ماما هبه : خلاص يا بنتي براحتك انا قلت اقول لك عشان ابقى عملت اللي عليا وانا هاكلم احمد واقوله انك مش مهم وخلاص . ‏هبه : احمد انسان محترم جدا يا ماما وانا بعزه لكن مش حب انا باعشقه كانه اخويا بالضبط لاني ما عنديش اخوات وعلي طول وانا صغيره كنت بعتبره اخويا عاوزاني دلوقتي اعتبره جوزي ازاي قوليله اني اتقدملي واحد ثاني من قبل ما تقوليلي على الموضوع بتاعه وخلاص عشان ما يزعلش وانا موافق عليه . ‏ ماما : انا اهم حاجه عندي يا هبه انك تكوني سعيده و كويسه وكنت باقولك على موضوع احمد ابن خالتك لان اختي انا واثقه فيها عمرها في يوم من الايام ما تضايقكيش ولا تقولك كلمه وحشه لكن الناس الثانيه دي انا مش عارفه ممكن يعملوا معاكي ايه والله . ‏ هبه : ما تقلقيش يا ماما وبعدين هو انا مالي باهله حتى لو اهله وحشين هو انا هتجوزه هو ولا هاتجوز اهله . ‏ مامت هبه : انتي ما تعرفيش الاهالي بيعملوا ايه في البيوت و بيخربوا البيوت ازاي انا خايفه عليكي والله مش اكثر . ‏هبه : لا يا ماما خلاص بقى ما تخافيش عليا وما تقعديش تقدري البلاء قبل وقوعه ما يمكن لما تشوفي اهله ترتاحيلهم وتلاقيهم ناس كويسه ومحترمه هم لازم يكونوا ناس وحشه يعني انا باقول لك انه انسان محترم واكيد اهله محترمين على العموم يوم الجمعه يا ماما مش بعيد و اكيد هتعرفي هم فعلا محترمين ولا لا . ‏مامت هبه : خلاص يا بنتي هاسيبك انا دلوقتي و هاروح اشوف هاعمل ايه مع احمد ربنا يا بنتي يوفقك و يوقفلك اولاد الحلال انتي ما تعرفيش انا منى عيني اشوفك احلي عروسه ازاي مع الانسان اللي ترتاحيله وتحبيه . ‏خرجت مامت هبه بره وهبه كانت قاعده عماله تفكر هتعمل ايه يوم الجمعه و هتلبس ايه لانها محتاره هتقابل اسامه وهي لابسه ايه هو واهله كمان هيكونوا معاه وهي قاعده تفكر وتخطط تليفونها رن الاتصال ما كنتش عامله حسابه يتبع..