بيت الافاعي

البارت الرابع

البارت الرابع

هاله كانت واقفه مستغربه جدا لما سمعت الكلام ده وهبه قعدت تسلم معها وتقول لها.. اوعي تكوني زعلانه مني يا هاله الجواز ده قسمه ونصيب هو انتى رحتى بيت اهل اسامه ولا لسه يا هبه

هبه : ايوه رحت من يومين

هاله : طيب وأهلك قالو ايه بعد ما روحوا

هبه : انت تقصدي ايه بالكلام ده بالضبط يا هاله

هاله : اقصد اني لما رحت هناك البيت وشفت اهله مامتي رفضت وقالت لي .. ان الجوازه دي لا يمكن تحصل بسبب المعامله اللي اهله عملوها لنا اخته غريبه ومامته شكلها ست مش مريحه ولا سهله وانتى مش هتقدري تعيشي مع ناس شبهم

وانا مالي بمامته يا هاله هو انا هتجوز مامته انا هتجوز اسامه واظن انتى عارفه اني اسامه محترم قد ايه

هاله : ربنا يوفقك يا هبه ان شاء الله ترتاحى معاهم بس انا عن نفسي ما ارتحت لهمش خالص ولا تقبلت الموضوع اول ما شفت اهله انتى تعرفي اني بمجرد ما روحت بيت اهله في حد بعت لي رساله وقال ما تكمليش الجوازه دي وهربي هبه اول لما سمعت الكلمه دي اتصدمت صدمه عمرها وقالت لي هاله تصدقي انا ابعت لي نفس الرساله اللي انت بتقولي عليها دي

هاله : ازاي يعني وريني كده بصت هاله على الرقم وقالت لي هبه ايوه هي دي نفس الرساله اللي اتبعتت لي بالضبط بس انا طبعا مش فاكره الرقم ده هو هو ولا لا الموضوع ده عدي عليه سنين بس يا ترى مين اللي بعث لنا انا وانت نفس الرساله كده الموضوع ما يطمنش خالص

هبه : ولا مايطمنش ولا حاجه دي اكيد واحده بتحبه من زمان ولا حاجه وكل لما يجي لها عروسه او يفكر يخطب بتجيب رقم العروسه وتبعث لها الرساله دي ده اللي انا متاكده منه

هاله :الله اعلم ممكن يكون حاجه ثانيه غمضه غير اللي انت متاكده منها دي

هبه : هو انتى يا هاله تقصدي ايه بالكلام ده بالضبط انتى كده هتقلقيني وبعدين انا ما ليش اي دعوه بحد غير اسامه هو ده اللي انا هاعيش معاه بقيت حياتي لكن بقى ولا تقولي له امه ولا تقولي له اخته طيب انتى شوفتى اخوه مراته

هاله : لما رحت ما كانوش باينين خالص ولا كانوا موجودين مش عارفه ليه ما طلعوش ولا حتى سلموا على حتى مامته لما كنت هناك فضلت قاعده جوه حوالي نصف ساعه وبعد كده طلعت وما رضيتش تمد يديها تسلم عليه

هبه: ده نفس اللي حصل معايا بالضبط على فكره شكلي كده هو ده نظام هم كلهم

هاله : هما عيله غريبه كده وخلاص انا كنت باحب اسامه جدا لكن انا قلت اني بعد الجواز اكيد كل ده هيجيب مشاكل وانا عاوزه اعيش حياتى مرتاحه يمكن انتى ترتاحي بس انا بصراحه ما ارتحتش خالص ربنا يوفقك يا هاله وان شاء الله هتلاقي ابن الحلال اللي يستاهلك انا هاشوف هاعمل ايه كده لسه اكيد العيلتين هيقعدوا مع بعض تاني كثير ويثبتكم لكن انا مش هاقدر ابعد عن اسامه انا بحبه من زمان وما صدقت لقيته ومن تاني

هاله : ربنا يوفقك يا رب

هبه بعد ما مشيت وسابتها ان ممكن تكون هاله هي اللي بعتت لها الرساله دي بتقول لها كده عشان تبعد عنه بدليل انها قالت لها ان قال لها نفس الرساله عشان ما اشوفك فيها وبعد كلامها ده هبه بقت متاكده انها له اللي وراء الرسائل وده لانها لسه بتحبه

اسامه بعد حوالي ساعه قال لها انه واقف بره الجامعه وقال لها اطلعي عشان مش عاوز ادخل عشان في ناس جوه مش عاوز اشوفهم

هبه قالت ..في عقلها اكيد مش عاوز يشوفها او في اي كلام حصل ما بينهم وعرفت موضوع خطوبتهم ببعض طلعت هبه بره عند اسامه وقالت له .. انت مش عاوز تدخل جوه ليه من الناس اللي مش عاوز تشوفهم

اسامه : ناس كثير مش فايق اني اقف واتكلم و هيمسكوا في اني اقعد لكن انا كنت عاوز اجي اتكلم معاكى انتى بس مش عاوز اتكلم مع احد تاني

هبه : ولا مش عاوز تشوفها

مين انتى بتتكلمي عن هاله اللي كنت مرتبط بها زمان اللي هي صاحبتك دلوقتى موضوع هاله ده اتقفل من زمان جدا وانا وهي بقى لنا كثير جدا ما بنتكلمش

هبه : ما اعرفش ليه اصلا حاسه انها اتضايقت لما عرفت ان انا وانت نرتبط ببعض

اسامه : اكيد بيتهيالك انا باقول لك بقى لنا سنين ما بنتكلمش مع بعض بس لما بشوفها بيسلم عليها عادي كذا ماير ما فيش بيننا اي حاجه يعني وبعدين هاله بنت كويسه ومحترمه ومستحيل تضايق اني ارتبط بواحده تانيه احنا سبنا بعض عن اقتناع وكل واحد فينا بيتمنى للتاني الخير مش معقول يعني

هبه : كنت عاوزني في ايه يا اسامه

اسامه : كنت جاي عشان اتكلم معك واعتذرلك على اسلوب ماما بس صدقيني يا هبه ده اسلوبها من زمان مع الناس كلها ومع مرات اخويا وهي متقبله الموضوع ده .

هبه : متقبله الموضوع ده ازاي يعني هو التعامل مع الناس بالاسلوب ده هيخلي اي واحد ما يتقبل هوش ما تزعلش مني يا اسامه هو احنا لما نتجوز هتتعامل معي بالطريقه دي .. انا كده كده هتفق معاك ان كل واحد هيبقى في حاله ..

اسامه : هيبقى في حاله ازاي ياعني وبعدين اللي انت ما تعرفوش بقى ان ماما مريضه بامراض مزمنه هي اللي على طول بتخليها متعصبه كده ..

هبه : امراض مزمنه ازاي يعني

اسامه : انا ما كنتش عاوز اقول لك هي عندها امراض كثير قوي وعلى طول متعصبه ومش طايقه نفسها بسبب تعبها انت تشوفيها تحسي ان هي انسانه عاديه و كويسه ما فيهاش اي حاجه بس ماما فعلا تعبانه جدا وكلنا بنراضيها عشان تكون مرتاحه واكيد بعد الجواز انتم الاثنين هتاخذوا على بعض ومش هيبقى في مشاكل ان شاء الله

هبه : بصراحه يا اسامه لما روحت امبارح ماما ما ارتاحتش خالص عندكم بسبب اسلوب مامتك وقعدت تقول لي اراجع نفسي كثير انا باحبك يا اسامه بس الموضوع ده قلقنى جدا

اسامه : اهم حاجه عندك انا . وانت اكيد عارفاني كويس ان شاء الله ما فيش اي مشاكل هتحصل

هبه بعد الكلام مع اسامه لقيت نفسها مرتاحه شويه ونسيت الموضوع بتاع الرساله ده وقالت ان اكيد دي واحده غيرانه منها .. روحت على البيت وقالت لمامتها انا اتكلمت انا واسامه وانا مرتاحه معاه يا ماما ومش عاوزه حد غيره

مامت هبه : وانا والله يا هبه قلت لك انت حره انت اللي هتستحملي نتيجه اي اختيار هتختاريه وانا كنت شايفه لك الاصلح ليكي

هبه : بعد اذنك يا ماما ما تفتحيش معي موضوع احمد ابن خالتي ده ثاني لاني حتى لو كنت مش هاكمل مع اسامه مستحيل اكمل مع احمد ابن خالتي وانا قلت لك قبل كده اني شايفاه اخويا وبس

ماما هبه : يا بنتي ده شاب مكافح وبيسعي انه يبقى كويس انا مش عارفه انت ليه مش قابلاه خالص

هبه : خلاص بقى يا ماما انا قلتلك هكمل مع اسامه انا بحبه وهو بيحبني وهو النهارده قابلني وطمني على موضوع مامته ده وقال لي كمان انها تعبانه ومريضه وكل واحد بعد الجواز هيكون في حاله يعني الموضوع ما فيش منه اي قلق وانا ليا اسامه ومعاملته معي وهو بصراحه يا ماما بيتمنالي الرضا وبيحبني جدا .

مامت هبه : خلاص يا بنتي ربنا يوفقك ويسعدك يا رب لو كان هو ده اللي هيخليكي سعيده خلاص انا مش هغصب عليك حاجه وابوك كمان قال لي نفس الكلام قال لي شوفي هي عاوزه مين واعمليه لها لان هي الي هتتجوز مش احنا .. وانا وابوك ما حدش غصب علينا نتجوز بعض انا وابوك برده كنا زمان بنحب بعض واحنا اللي اختارنا بعض بس انا قبل ما اتجوز ابوكي بصيت على اهله واختارت بعقلي قبل ما اختار بقلبي هو ده اللي كنت باكلمك فيه ..

هبه : خلاص يا ماما انا واثقه في اختياري

مامت هبه : ماشي يا بنتي حددي بقى معاد مع اهل اسامه عشان يجوا نتفق على الشبكه والخطوبه والكلام ده ادام انتي قررت خلاص ما لوش لزوم اننا نستنى اكثر من كده

هبه : حاضر يا ماما ربنا يخليكي ليا يا رب ..

دخلت هبه اوضتها وهي الفرحه مش سيعاها اتصلت ب اسامه وقالت له : ان اهلها خلاص موافقين وقالت له كمان انها عاوزاهم يجوا في اقرب وقت عشان يتفقوا على الشبكه وعلى الخطوبه هتبقى قد ايه ويحددوا مع بعض كل حاجه .. و اسامه كان فرحان جدا وقال لها انه هيتكلم مع اهله ويرد عليها .. هبه بعد ما خلصت معه اسامه لقيت رساله جايه لها على الواتس من رقم احمد ابن خالتها بيقول لها : الف مب**ك يا هبه ربنا يوفقك ويسعدك يا رب بس انا عاوز اقول لك على حاجه ..

هبه : خير يا حمد فيه ايه

احمد : كنت عاوز اتكلم معاكي شويه .. على فكره يا هبه انا كنت بدور على شغل وجمعت مبلغ كويس عشان اجي اتقدم لك لكن انا الظاهر اني تاخرت شويه واتفاجئت بالموضوع بتاع خطيبك الثاني ده انا والله كنت بكافح عشان لما اجي اتقدم لك يبقى معي فلوس كويسه و اقدر اتكلم مع اهلك بقلب جامد انا بس عاوزك تديني فرصه واحده بس وانا فعلا اثبت لك اني قد المسؤوليه ..

هبه : الكلام ده متاخر شويه يا احمد وما تزعلش مني انا من زمان بعتبرك اخويا بالضبط وما فيش حاجه في دماغي من الكلام ده خالص ما تضايقش من كلامي بس فعلا انا الشخص اللي متقدملي ده بحبه من زمان وهو كان معي في الجامعه و اعرفه كويس جدا يعني .. وهو انسان محترم وبيحبني ..

احمد : انا كنت فاكر ان ما فيش اي احد في حياتك يا هبه بس على العموم ربنا يسعدك ويوفقك يا رب انت تستاهلي كل خير ..

هبه : انت طبعا يا احمد هتكون واقف جنبي في خطوبتي اول واحد انت اخويا ولازم تبقى واقف جنبي في حاجه زي دي

احمد : انا جنبك في اي وقت يا هبه لو احتاجتيني كلميني ولو في اي احد مضايقك او حاجه ابقي كلميني هتلاقيني جنبك يلا مع السلامه .. احمد قفل و كان باين عليه انه متضايق جدا وهبه كانت زعلانه عليه بس هي بتعتبره اخوها