"Basang-basa ka na," ani Ric. Hinawakan n'ya ang palapulsuhan ko at bahagya akong hinila. "May nakita akong masisilungan doon. Magpatila na muna tayo ng ulan."
Napakurap ako. Natulala na pala ako sa kanya. Hindi ko naman kasi inaasahan na makikita ko s'ya sa rito sa lugar na ito, malayo sa lungsod at ganito pa kasama ang panahon.
"Gabriella..." tinawag n'ya ang pangalan ko nang makitang nakatulala lang ako sa kanya. "Plano mo bang magpakabasa rito? Wala tayo sa shooting ng isang drama na nasa gitna ng ulanan."
Tumikhim ako at tumango na lang. Hindi pa rin ako makapag-isip ng tamang dahilan kung bakit s'ya narito. May meeting kaya s'ya na malapit dito at nagkataon lang na dumaan s'ya rito sa site?
O baka nalaman din n'ya na may problema rito? Pero kahit pa, hindi naman si Ric ang tipo
