“Here’s the plan for your next project, Gab…” Iniabot sa akin ni Roderick ang isang file folder. “My secretary will send you the softcopy of this project. Check it as soon as possible, alright?”
Ikiniling ko ang ulo at pinasadahan ng tingin ang hawak. Hindi ko nga lang iyon binuksan at kaagad na ipinatong sa lamesa.
“You called me here because of this?”
Mula sa lamesa n’ya ay tumayo ang kapatid ni Alfonso at iginiya ako sa lamesa sa kanyang receiving area. Naupo ako sa couch doon samantalang s’ya naman ay dumiretso sa pantry ng opisina. Isang bote ng wine ang binuksan n’ya at dinala sa lamesa. Muli s’yang bumalik sa pantry at kumuha ng dalawang baso roon, may isa ring canned juice na dala.
“Oras pa ng trabaho, hindi ako iinom.” Inginuso ko ang bote ng wine, nagsasalin na s’ya niyon sa
