"Ilang araw ka nang nakabusangot. Wala ka bang planong ngumiti man lang? Mamaya lang ay magpe-present ka na sa board," komento ni Alfonso habang pinaglalaruan ang bulaklak na nasa ibabaw ng lamesa.
Inis na tiningnan ko lang ang kaibigan bago muling itinuon ang atensyon sa gjnagawa. Gusto ko rin namang gumanda ang mood ko pero hindi ko pa ring maiwasang hindi mainis sa tuwing naaalala ko ang bruhang si Yelena.
Mahigit isang linggo na mula nang makatulog ako sa opisina ni Ric. Ipokrita ako kung itatanggi ko na hindi ako natuwa nang imbitahin n'ya akong kumain kasama s'ya.
Kahit na ginawa n'ya lang iyon bilang isang makakasama sa isang project, malaking bagay pa rin iyon sa akin. Iyon na sana ang unang hakbang para sana ay magkaayos kaming dalawa.
Hindi na naman ako umaasa na babalik pa
