ABALA ang lahat sa kompanya nina Jino Lee nang umagang iyon. Dahil sa araw na iyon ay may mahalaga raw iaanunsiyo ang ama nito na siyang tumatayong president and CEO ng LJY Empire Philippine branch.
Umuwi sa bansa mula sa Seoul, South Korea ang ama ni Jino na si Lee Jin Young. May kabang bumabalot ngayon kay Jino. Maging ito ay nagulat dahil sa biglaang pagtawag ng ama nito para ibalita na uuwi ito sa bansa.
Halos lahat ay nasa loob na ng malawak na board room. Pero hindi pa nagsisimula ang meeting. Kararating lang din ni Lee Jin Young, ang ama ni Jino. May edad na ito. Grayish na rin ang kulay ng buhok. Mababakas ang kaseryosohan sa mukha kaya naman maging si Jino ay yuko ang ulo sa pagdating sa ama nito.
“Hindi pa ba tayo mag-start?” hindi napigilang tanong ni Jino sa katabi nitong bo
