MATAMANG pinagmamasdan ni Gavin si Ferlyn. Wala pa rin itong malay. Ang sabi ng doktor na tumingin dito ay kung hindi ito magising agad ay baka dumeretso na ang tulog nito at bukas na magising pa.
Nang bigla na lamang mawalan ng malay si Ferlyn kanina ay walang pagdadalawang isip na dinala niya ito sa penthouse niya at pinapunta na lamang doon ang kaniyang doktor.
Wala raw siyang dapat na ipag-alala dahil dala raw ng sobrang stress ang dahilan ng pagkawala ng malay ni Ferlyn. Nervous breakdown.
Napailing siya nang maalala ang mga taong nakapalibot kanina kay Ferlyn. Halos pagkaisahan ng mga iyon ang babae to the point na hindi na magawa pang ipagtanggol ang sarili.
He can’t believe na may ganoong klase ng circle of friends si Ferlyn. O baka naman nagkaroon lang ng pagkakataon ang mga i
