Dahan-dahan kong minulat ang aking mga mata at nakita ko na nasa loob ako ng isang puting silid at mayroong nakasabit sa aking kamay na dextrose.
Nanghihina pa ang buo kong katawan dahil kahit sa pagbangon ay hindi ko magawa. Bumungad rin sa akin ang masamang amoy ng gamot na nagdulot sa akin ng masamang pakiramdam sa aking sikmura.
Inalala ko ang huling mga nangyari at napagtanto ko na dinudugo ako kaya naisugod ako sa loob ng hospital. Hinanap ng mga mata ko kung sino ang kasama ko sa loob pero wala akong nakita.
Sinubukan kong ibangon ang sarili ko pero masyado pa akong mahina na kahit sarili ko ay hindi ko pa kaya. Hanggang sa napalingon ako ng maramdaman kong gumalaw ang door knob. Itinutok ko ang aking paningin doon at niluwa ng pintoan ang lalaking minahal ko.
"Sky..." Mahin
