NAKARATING na kami sa kotse. Pinagbuksan kami ni Sir Francois ng pinto sa backseat, una na akong pumasok at binigay sa akin ni Mister Ukyo si Orion, pinahiga niya sa aking hita.
Hindi ko alam pero nababahala talaga ko kanina. Gusto kong gumanti sa babaeng iyon. Iyong tipong gusto kong hilahin ang extension ng buhok niya! Akala mo ang ganda ng buhok niya, para ngang walis tambo! Bwisit. Dapat naka-double kill ako sa kanya kanina. Sumabat naman kasi agad si Mister Ukyo. Dapat pinatapos niya muna ako na magsalita at saka siya bumanat!
Wala rin siya sa timing!
“I know your frigid, babae.”
Napalingon ako sa kanya. Umaandar na ang sasakyan namin. “Alam mo naman pala! Dapat hindi mo ko hinila paalis doo—” Hindi ko na ituloy ang aking sasabihin nang makita ang mukha niyang galit ngayon.
“Kun
