LIMANG araw ang nakakalipas. Limang araw ko na rin tinuturuan sa Math subject si Orion.
“Mommy, 5 plus 5 equals 10 po, wight?”
Tumango ako sa sinabi ni Orion sa tanong niyang iyon. “Yes po, Orion! Wow! Gumagaling ka na sa Math, ha?” nakangiting sabi ko sa kanya.
Nakita ko ang malaking ngiti niya sa akin at napakamot pa siya sa kanyang buhok. “Mommy, the best ka po kasi! Ang galing mo po atuwo ako!” sabi niya sa akin. “Asasabihin ko kina Luther and Jacob na magpatuwo rin sila sa iyo para agaling na sila sa Math! Because mommy is the best in Math!” malakas niyang sabi sa akin at hinalikan niya ako sa pisngi ko.
“Matalino ka rin kasi, Orion, kaya nasasagot mo agad ang tanong ni mommy sa iyo. Oh, siya, set of five ulit, okay? After that punta naman tayo sa history ng Philippines, okay? The
