HINDI ba siya magsasalita? Ano bang ginagawa niya, tinitignan ba nya ang kaluluwa ko? Kung nagsasabi ako nang totoo sa kanya?
“Um, hello, k-kayo po? Anong pangalan niyo?” pagtatanong ko sa kanya kahit alam ko naman na.
Gusto ko lang tanungin para hindi nakakamatay ang katahimikan ngayon. Feeling ko ay mabibingi ako dahil sa katahimikan.
“Iʼm Ukyo Silvestre,” tipid niyang sabi sa akin pero ang tingin ay ganoʼn pa rin.
“I-I know, I mean, um, binigay sa akin ng nurse iyong wallet mo. D-doon ko nalaman iyong name mo. Hehe!” ani ko sa kanya at kinuha ang wallet niya sa bag ko. “H-heto, oh! Donʼt worry wala akong kinuha dʼyan! Tinignan ko lang ang name mo dahil need sa patient information mo!” dagdag na sabi ko pa sa kanya. Binalik ko na muli ang kanyang wallet at maging ang cellphone niyan
