HINDI ko na alam kung mag-iisang oras na ba akong naghihintay sa may tapat ng emergency room, pero ni-isang tao na galing doon ay wala pang lumalabas. Kritikal ba ang kalagayan niya? Baka naman naubusan na siya ng dugo? Sa kanang dibdib at tagiliran pa man din siya nabaril, paniguradong ubos talaga ang dugo niya.
“Lord, sana maka-survive siya!” piping dalangin ko habang nakatingin may pinto ng emergency room pa rin.
Hindi rin naman nagtagal ay biglang bumukas ang pinto, may nakita akong isang nurse na lalaki. Siya iyong nagpatigil sa akin kanina at napagkamalan akong Misis. May nakasunod pa sa kanya at doon ay nakita ko ang doctor, iba kasi ang suot niya kumpara sa nurse. Napatayo ako at hinintay silang lumapit sa akin.
“Doctor, kumusta na po iyong lalaki? Maayos na po ba siya?” pagt
