FEBRUARY 14, 2020
"AAYUSIN ko muna 'tong mga pinamili ko bago ako tuluyang magalit," reklamo ni May na nag-aayos ngayon ng mga pagkain na binili niya para sa kaarawan ko ngayon habang nakabusangot.
Natawa na lang tuloy ako. Ang cute niya, eh. Ang sarap pisilin ng pisngi niya. Siguro kung magpapaikli ito ng buhok ay mas lalong mamimilog ang pisngi niya. I-request ko nga next time 'yon sa kan'ya.
Gustuhin ko mang tulungan si May sa pag-aayos niya ngayon ng mga pinamili niyang ulam para mag-celebrate ng birthday ko ay hindi ko magawa. Ang sabi niya kasi sa akin ay special day ko raw ito kaya siya raw ang mag-aasikaso sa akin. Ganoon siya ka-thoughtful, at ganoon niya ako kamahal.
Ang bilis ng panahon, ano? Twenty-four years old na ako. Bukod sa kaarawan ko ay limang taon na rin kami ni M
