FEBRUARY 15, 2021
"TOTOO ba 'yong balita? Gago, may itinatagong masamang budhi raw si Villanueva?"
"Oo raw. May tinatagong kulo pala sa loob iyan. Akala mo ay kung sinong pagkabait-bait, pero demonyita rin pala. Ang lakas ng loob, may lalaki raw pala siya kahit na boyfriend na."
"Ano na ba ang nangyayari sa mga tao ngayon? Mga walang kahihiyan sa katawan!"
Ang alam ko ay nasa opisina ako ngayon kung saan ako nagtatrabaho bilang Marketing staff, pero nagmistulang isang talipapa itong opisina namin dahil ang dami kong naririnig na bulungan sa paligid.
Tama pa nga ba na tawagin kong bulungan lang ang ginagawa nila kung talagang nilalakasan nila ang mga boses nila noong napalapit ako sa kinalulugaran nila?
Imbes na pansinin ko sila ay pinabayaan ko na lang sila. Wala na ako sa wisyo para
