HE'S NOT.
Mas posible pa yata na magkatotoo ng zombies dito sa pilipinas, kaysa sa isipin na mahal pa rin ako ni Mark.
Gustong-gusto ko 'yan isagot sa kan'ya, pero alam kong matatameme lang ako sa kan'ya kapag itinanong na niya sa akin kung ano ang dahilan kung bakit sigurado ako na hindi na ako mahal ni Mark, kaya mas pinili ko na lang ang manahimik habang nananatili ang paningin ko sa sahig.
Hindi niya ako ipagpapalit sa ibang babae kung mahal niya pa rin ako. At kung mahal man niya ako, dapat ay sabihin niya 'yon sa akin nang diretso. Isa pa, kung totoo nga iyon, bakit sila pa rin ni Stacey hanggang ngayon?
It's been two years, pero ni minsan ay hindi sila naghiwalay. Kaya imposible.
Sobrang imposible.
May sasabihin pa sana siya sa akin pero biglang nag-ring ang phone niya.
