"SABIHIN MO LANG kung ayaw mo sa mga pinapatugtog ko," wika ni Mark sa akin habang nagda-drive siya papunta sa building namin. "O kaya naman ay ikaw na lang ang mag-next dito sa radyo. O kaya, gusto mo ba na i-connect ang bluetooth mo rito?" dagdag niya pa bago niya itinuro saglit ang radyo niya gamit ang kanang kamay niya at ibinalik din naman kaagad ang pagkakahawak no'n sa manibela.
Hindi ko siya sinagot at nanatili lang ako sa pagtingin ko sa bintana. Walang magandang view dito bukod sa dagat, pero mas gugustuhin ko pang magka-stiffneck sa pagtingin ko sa bintana kaysa naman lumingon ako sa kan'ya.
Ang awkward kaya! Bakit nga ulit ako sumabay sa kan'ya? Ah, oo nga pala, sapilitang pagsasabay nga pala 'to.
"O kaya naman ay baka ako ang gusto mo?" nakangisi niyang tanong sa akin.
Ki
