"ANO PARE, buhay ka pa ba?" naiiling na tanong ko sa kan'ya habang umuubo pa rin siya habang nakayuko. Hawak-hawak pa niya ang dibdib niya na para bang kaunti na lang ay lalabas na 'yong puso niya dahil masyadong malala ang pag-ubo niya.
Dahil isa akong mabait na nilalang ay pinalo-palo ko pa muna ang likod niya habang umuubo siya. Kahit naman na ex-boyfriend ko 'tong hinayupak na 'to ay concerned pa rin naman ako sa kan'ya, at ang huling gusto kong mangyari sa kan'ya ay ang mamatay siya. Hindi naman ako ganoon kasamang tao para manalangin ng masama para sa kan'ya, 'no!
Isa pa, naging magkaibigan naman muna kami bago niya ako niligawan.
Hindi na nga lang ngayon.
"Tama na." Lumingon siya sa akin at hinawakan ang braso ko para matigil na ang pagpalo ko sa likod niya. Napalakas yata ang p
