"HINAHANAP mo raw ako?"
Iyan ang bungad sa akin ng pesteng si Mark pagkarating niya rito sa labas ng building kung saan ako naghihintay sa kan'ya.
Ako lang ba ang nag-iisip ng masama, o parang double meaning iyon? Ano'ng hinahanap ko siya? Nagpapasundo lang ako, 'no! Hapon na pero pinapainit na naman niya ang dugo ko.
"Hindi kita hinahanap, okay? Nagpapasundo ako," sagot ko sa kan'ya bago ko siya inirapan. "Assumerang froglet 'to."
Natawa na lang siya sa sinabi ko bago niya binuksan ang pinto ng passenger seat para makapasok ako roon.
"Thanks," pagpapasalamat ko sa kan'ya kahit na binubuwisit niya ako.
Umupo na ako sa shotgun seat pero pagkaupo ko roon ay napakunot kaagad ang noo ko.
"Bakit?" tanong ni Mark sa akin pagkaupo niya sa driver's seat dahil nakita niya ang mukha kong n
