"SIS, may favor ako," wika ko kay May na nakatitig lang ngayon sa akin.
Nakatayo lang siya sa harapan ko habang nakakrus ang dalawang kamay niya sa dibdib niya. Nakatitig lang siya sa akin habang pinanonood niya ang mga kilos ko... na kahit ako ay hindi ko na rin maintindihan.
"Ano 'yon?" nag-aalalang tanong niya bago siya lumapit sa akin. Nagtataka man siya sa mga nangyayari ay kinakausap niya pa rin ako na para bang gusto niya akong tulungan.
"Sapakin mo nga ako," sagot ko bago ko hinawakan ang magkabilang kamay niya at tumitig sa kan'ya na para bang nagmamakaawa ako. "'Yong malakas sana. 'Yong tipong maaalog lahat ng brain cells ko sa bawat parte ng utak ko.
"Ha?"
Napanganga siya dahil sa favor ko sa kan'ya. Medyo nakatagilid na rin ang ulo niya habang nakakunot ang noo niya,
