LAKAS SILANGANAN
HINDI KO MAPIGILAN na kuminang-kinang ang mga mata ko nang makita ang mga pagkain na nasa aming harapan. Boodle fight lang naman ang gagawin namin kaya alam ko sa sarili ko na matutuwa ako nang sobra. Minsan ko lang maranasan ito dahil maliban sa magastos hindi kami pabor sa ganito. Ang sabi ni Mama sa akin ay parang nagsasayang lang kami ng pagkain kapag gagawin namin ito. Ang sabi niya, malaki ang posibilidad na hindi maubos ang lahat ng pagkain at masayang lang. Hindi rin naman pwedeng makain kinabukasan dahil malaki ang posibilad na mapanis ito dahil kinamay. Kaya ang masasabi ko, boodle fight ay hindi para sa amin. Pero dahil hindi ko naman gastos ito, sino ako para hindi kumain? Biyaya pa rin ito ng Diyos kaya lalamon talaga ako ano man ang mangyari.
Nasa tabi ko p
