LAKAS SILANGANAN
INABOT KO NA kay Hiyas ang damit ko at nagmadaling umakyat sa puno ng mangga habang bitbit ang maliit na bayong. Nang nakapatong na ako sa unang sanga, tiningnan ko si Madam sa ibaba. Seryoso naman siyang nakatingin sa akin habang nakataas ang kilay. Kahit ganyan palagi ang mukha niya ay hindi maitago ang ganda niyang taglay.
“Madam, hinog o hilaw?” seryosomg tanong ko.
“Ikaw,” nakangiting sagot ni Hiyas.
Napalingon si Madam sa anak niya kaya agad itong nag-peace sign. Bumuntonghininga si Madam at muling tumingin sa akin. Mukhang sasagot na siya sa tanong ko.
“Ikaw,” sagot ni Madam.
“Yucks!” sigaw ni Hiyas nang marinig ang sinabi ni Madam.
“A-Ako po?” nagtatakang tanong ko.
“What I mean. . . hilaw. Ikaw kasi, Hiyas,” sabi ni Madam.
“Pinakaba mo ako, Mom. Akala ko
