LAKAS SILANGANAN
PAGPASOK NAMIN NI Hiyas sa loob ng mansion ay kumakain na si Madam mag-isa sa mesa. Hinila ako ni Hiyas patungo roon. Hindi naman ako pumalag dahil sanay na akong makasama sila sa hapagkainan.
Pagdating namin sa dining area, una kong hinanap ang bulaklak na ibinigay ko kay Madam. Hindi ko naman iyon nakita. Sa tingin ko, nasa kwarto niya na iyon. Alam kong hindi naman niya iyon itatapon dahil mahilig iyon sa bulaklak. At isa pa, nakita ko sa mga mata niya na masaya siya noong ibinigay ko iyon. Ang sabi pa niya, naalala niya sa akin si Sir Buhay.
Pagkaupo namin ni Hiyas, siya namang pagtayo ni Madam. Napatingin lang ako sa plato niya at wala na talagang laman iyon. Nag-diet ba siya? Mukhang ang liit na ng kinakain niya. Napansin ko lang iyon dahil ako si Tagapagmasid Si
