NAKATULALA lamang si Bella sa kawalan habang yakap ang malaking teddy bear na ibinigay ni Beast sa kaniya nang nagdaang gabi. Nasa loob siya ng kanilang van at kasalukuyan nang nasa byahe na pauwi sa kanilang tahanan. Halos tatlong oras din ang tagal ng magiging byahe nila mula sa pinanggalingang island resort patungo sa city proper ng Batangas kung saan sila nakatira. Doon din muna didiretso ang ilan sa kanilang mga kamag-anak para magpalipas pa nang ilang oras bago tuluyang bumalik sa Maynila.
Ilang minuto pa lamang ang lumilipas mula nang makaalis sila pero ang ilan sa mga kasama ni Bella sa sasakyan ay naghihilik na. Paano kasi... hindi pa man sumisikat ang araw ay bumiyahe na sila dahil ayaw naman nilang abutan ng mataas na sikat ng araw habang nasa byahe. Mag-a-alas singko pa laman
