PALALIM nang palalim ang paghalik na ginagawa ni Beast kay Bella habang ang dalaga naman ay hindi mawari kung ano ba ang dapat na gawin. Nanlalaki ang kaniyang mga mata na nakatitig lang sa mga mata ni Beast na seryoso ring nakatitig sa kaniya. Ilang beses na sinubukang ilayo ni Bella ang sarili rito ngunit tila ba isa siyang nauupos na kandila sa pagkakataong iyon at unti-unting nawawalan ng lakas. Para bang hinihigop ni Beast ang lahat ng enerhiya sa kaniyang katawan sa pamamagitan ng halik nito. Isa pa ay nakapulupot ang mga braso ng binata kay Bella kaya hindi rin talaga niya magagawang makawala.
Ilang sandali pa ay tila hindi pa nakuntento si Beast at dahan-dahang pinagpalit ang posisyon nila ni Bella. Kasabay niyon ay ang pagtapos ni Beast sa kanilang halik. Ngayon ay bahagya nang
