BEAST got dead drunk that night.
Matapos siyang iwanan ni Bella nang gabing iyon ay ilang sandali muna siyang nag-isip bago nakapagdesisyon na tuluyan itong sundan. Dala-dala ang asul na stuffed toy, bungkos ng pulang rosas, at tsokolate na ibinigay niya rito ay dumiretso siya sa villa ng mga ito. Tuwang-tuwa ang mommy nito nang makita siya. Ganoon din ang iba nilang kamag-anak na nandoon. Pero nang tanungin siya nito kung ano ang nangyari sa kanila ni Bella ay hindi niya agad iyon nasagot. Nang umuwi raw kasi si Bella ay dumiretso ito sa kanilang kwarto at nang i-check nila ay tulog na ang dalaga.
Beast admitted that they had a misunderstanding and even apologized about it. Pagkatapos noon ay umalis na siya at saglit na pumunta sa lobby ng resort para ibilin sa staff na inutusan niyan
