HINDI alam ng tatlo kung matatawa ba sila o maaawa dahil sa pag-alis ni Bella. Saksi sila kung gaano katakot si Bella sa panood. Si Mara nga ay bahagyang nakaramdam ng pag-alala at konsensya dahil sa pagpilit niya sa pinsan. Ibinaba ng dalawang lalake sa magkabilang gilid ni Mara ang hoodie ng mga ito. Ang kaninang katabi ni Bella ay umupo na sa nilisan niyang upuan. Lingid sa kaalaman niya ang lalakeng katabi niya ay walang iba kundi si Beast, at ang katabi naman ni Mara ay si JG.
“Hala ka, Mara! Kawawa naman si Bella!” pabirong sabi ni JG sa tabi nito.
“Huh? Bakit ako? Gusto ko lang naman ma-experience niya rin manood ng ganito. Dati pa matatakutin si Bella sa ganiyang palabas. Mas okay rin na harapin niya ang takot niya, hindi ba?” pangangatwiran naman ni Mara.
Napatango-tango naman
