ALAS sais na nang gabi at kasalukuyan nang nakapila si Bella at Mara papasok sa movie theater kung saan ipapalabas ang napili nilang panoorin. O mas tamang sabihin na ang napili ni Mara na panoorin, dahil kahit anong tutol ni Bella sa gusto nitong horror movie ay wala na talaga siyang nagawa. Hawak ni Bella ang dalawang medium-sized popcorn sa magkabilang kamay habang si Bella naman ay hawak ang kanilang large-sized pineapple drink na doon na rin nila binili sa movie world.
“OMG! Ayan na! Maganda raw ang movie na iyan kaya sobrang na-curious ako. Wala lang talaga akong panahon na manood. Mabuti na lang at mapapanood ko na rin iyan sa wakas!” excited na excited na sabi ni Mara at kulang na lamang ay halos tumalon-talon pa.
Napairap naman si Bella at saka mataray na sinita ito. “Sobrang
