ARAW ng linggo kaya naman sarado ang shop nila Bella. Ilang araw na rin ang nakalilipas mula nang makapag-usap sila nila Beast tungkol sa pagsali niya sa banda ng mga ito. Ilang araw na rin siyang kinukumbinsi ng kaniyang ina na tanggapin na ang inaalok ng mga ito sa kaniya. Pero pasimple lamang isinisingit ng mommy ni Bella ang tungkol doon dahil alam na rin nito na naiinis siya kapag nababanggit iyon. Kahit sobrang good mood pa niya, kapag naipapaalala sa kaniya ang bagay na iyon ay agad na nag-iiba ang mood niya.
Pasado alas otso na nang umaga at medyo papataas na rin ang sikat ng araw sa labas pero tamad na tamad pa ring bumangon si Bella. Nakatulala lamang siyang nakatingin sa may kisame ng kaniyang kwarto habang nakahiga pa rin. Ilang beses na nga niyang nabilang ang mga bituin doon
