THIRD PERSON POV
Monday. Alam ni Benedict na wala ang panganay na anak niyang si George sa bahay nila kaya nagpasya siyang puntahan ang asawa. Sinadya niyang hindi magpakita dito ng ilang araw para palamigin ang ulo ng asawang si Macey. Alam niyang galit lang ang asawa niya sa kaniya kaya nagawa siyang palayasin nito. Idagdag pa ang sulsol ni George sa ina. Kung sana nanahimik si George at hinayaan siyang magpaliwanag, baka napatawad agad siya ng asawa. Ganoon ang takbo ng utak ni Benedict. Pero kilala niya ang anak at alam niyang kapag galit ito, walang makakapigil dito para magsalita.
Kilala ni Benedict ang anak niyang si George, hindi ito mahilig magsalita pero oras na magsalita na ito, alam niyang masasakit ang mga salitang lalabas sa bibig nito. Alam niyang galit sa kaniya ang anak,
