GEORGE
Nanatiling nakatayo ang boss ko sa harap ko. Hindi ko alam kung may kailangan pa ba siya sa akin.
"Ibig sabihin galit ka sa akin?" patuloy na pangungulit nito. "Sorry na, hindi na ako mag-iinom at tatawagan ka para istorbohin."
"Hindi ako galit," ulit ko.
"Pero okay lang sa iyo na mamatay ako sa uhaw kasi hindi ko maalala ang sinabi ko sa'yo kagabi?" pagdadrama nito. "George, baka pwedeng makahingi ng kaunting tubig, tuyot na talaga lalamunan ko," pag-arte nito. Hinawakan pa nito ang lalamunan at lumunok.
Napapikit ako ng mariin sa sinabi niya. Hindi ko alam kung bakit nangungulit siya ngayon. Napakawalang kwenta ng dahilan niyang nauuhaw siya, alam kong gusto lang niyang pumasok sa bahay namin. Sana lang umalis na siya pagkatapos niyang uminom.
"Kung ano man ang sinabi ko ka
