George
Pagkatapos naming mamili ng mga bagay na hindi ko naman alam kung maisusuot ko ba talaga dahil nagkataon lang naman na nakitulugan ako sa bahay niya, dumiretso na kami sa opisina. Iyon ngang makitulugan sa bahay ng boss ko parang ang kapal na ng mukha ko, tapos pinagluto pa niya ako ng agahan. Kaya iyong ipag-shopping pa niya ako, parang sobra namang masyado. Alam kong galante ang boss ko pero hindi ko naman inaasahan na handa siyang magtapon ng pera para sa akin.
Maraming napapatingin at bumabati sa amin habang naglalakad kami nang makapasok na kami sa entrance. Iba't ibang klase ng tingin ang napapansin ko sa kanila, merong paggalang, meron ding paghanga. Meron ding nagtataka siguro kung bakit iba ang hairstyle ng boss namin ngayon kaysa sa nakasanayan. May itinatago kasi itong
