GEORGE'S POV
Matapos naming mag-lunch ni Shirly ay bumalik na din agad kami sa building kung saan kami nagtatrabaho. Habang pasakay kami sa elevator ay may nakasalubong pa kaming isang lalaki na tila nagulat pa nang makita ako. Nagmamadali itong bumaba ng elevator habang nakayuko ang ulo na para bang nahihiyang salubungin ang mga mata ko. Kaya nagtatakang sinundan ko siya ng tingin. Alam kong empleyedo siya dito sa Gallado pero hindi ko siya masyadong nakikita kaya hindi ko pa siya kilala.
Napatingin ako kay Shirly nang bahagya niyang banggain ang tagiliran ko. "Gusto ka noon," bulong nito sa akin.
Kumunot ang noo ko sa sinabi niya. Bakit lahat na lang iniisip niyang may gusto sa akin? Lahat na lang may malisya sa kaniya.
"Stop it, Shirly. Pati ba naman nakakasalubong lang natin kung a
