GEORGETTE
Napatingin ako sa boss ko na tila nagmamadaling kumain. Hindi na yata nito nginunguya ang mga pagkaing isinusubo niya, diretso lunok na agad. Daig pa niya ang nasa military kung kumain. Paspas ito masyadong kumain at hindi man lang tumingin sa akin.
"Baka mabulunan kayo," wika ko at nilagyan ng tubig ang baso niya.
Pero hindi niya ako pinansin, patuloy pa rin siya sa pagkain na akala mo ay may hinahabol siya.
Nagpatuloy na lang rin ako sa pagkain. Hindi ko na lang inintindi ang boss ko na nagiging topakin na yata mula kahapon. Bigla akong napatingin sa kaniya nang umuno siya at hinampas niya ang dibdib niya na parang nahihirapang huminga. Nagmamadaling uminom ito ng tubig bago muling nagsalin ng tubig sa baso at uminom ulit. Saka pa lang ito tila nakahinga.
Nabulunan na nga
