Chapter Fifty-three: The Story of Agnes Asistio
Matamang pinagmamasdan niya ang kanyang anak na si Charlie na masayang nakaupo sa school garden kasama ang mga kaibigan nito. Napatiim siya ng bagang ng maaalala ang kalokohan ng anak. Hindi siya papayag na sa ganoong klaseng babae mapupunta ang kanyang anak. Hindi niya hahayaang gamitin ang nag-iisang anak niya ng isang mababang uri ng babae.
Malaking sampal sa angkan nila kapag nakatuluyan ni Charlie ang babaeng iyon. Umalis na siya sa bintana ng kanyang opisina at naupo sa office table. Doon ay nakita niya ang litrato ng kanyang anak na kasama ang babaeng iyon. Sa galit niya ay kinuha niya ito at pinagpupunit. Doon niya ibinuhos ang kanyang galit. Galit sa anak niya at galit sa babaeng iyon.
“Madam, the car is ready.”
