Chapter Fifty-four: F*ck the social class!
“Anong plano mo, Anton?” tanong ni Henry sa kanilang leader. Hindi sumagot si Anton at pinagpatuloy lang ang pagmamasid nito sa school grounds. Kasalukuyan silang nasa rooftop ng culinary building at nagpapalipas ng oras. Tatlo sila nila Mikael at Anton ang vacant time.
“Kailangan mahanap muna si Charlie,” sabi ni Anton at umayos na ito ng tayo.
“Bakit kailangan pang hanapin ang lalaking iyon? Hindi ba’t pinabayaan niya ang anak ng client natin?” tanong niya. Umiling naman si Anton bilang pagtutol sa sinabi niya.
“Hindi puwedeng hindi natin makita ang lalaki. Kailangan malaman natin ang buong kuwento. Ang isinalaysay lang naman ng client natin ay ang mga nalalaman niya. Hindi natin alam kung pinabayaan lamang si Alyana o ba
