Pasikat na ang araw ng lumabas kami. Lahat ng gamit ay si Max ang may dala. Naglalakad kami papunta sa pampang ng biglang hawakan niya ang aking kamay. Unti-unti, masasanay ako sa kanya na tinatrato akong kanyang kasintahan at panigurado, sasaya ng husto si Max oras na mangyari iyon.
“Talagang gusto mong ganito tayo?” bulong ko sa kanya at ngumiti siya pero hindi nakatingin sa akin. Kinawit ko ang aking kamay sa braso niya at hinigpitan ang pagkakayakap sa kanya.
“Hintayin lang natin ang masasakyan,” bulong niya at pinaglalaruan niya na ang alon ng tubig sa kanyang mga paa. Ilang sandali pa ay dumating na ang isang maliit na barko. Kumaway sa kanya ang isang lalaki na namamaneho ng barkong iyon. Kumaway pabalik si Max sa kanya at nang makaayos na sa pampang, agad akong hinila ni Max par
