>Matulog tayo ng maaga at madaling-araw, aalis tayo,” bulong sa akin ni Max matapos naming kumain. Inasikaso ko na ang mga pinagkainan namin tapos ay saka ako naglinis ng katawan. Pagkalabas ko ay agad naman sumunod si Max sa akin. Nagpatuyo ako ng buhok habang naghihintay kay Max.
“Dito ka ba matutulog?” tanong ko sa kanya pagkalabas niya. Ngumisi siya habang pinupunasan ang kanyang basang buhok.
“Ano sa tingin mo?” tanong niya pabalik sa akin. Pinalo ko ng marahan ang tabi ng kama para sabihin na gusto kong dito siya matulog. Naglakad siya papunta sa tokador at kinuha ang kanyang cellphone. Pinagmasdan ko lang siya habang inuutusan ang kung sino man ang kausap niya para magdala ng gamit niya. Nanatili lang siyang walang saplot habang nakaupo sa kama ko.
Naging abala na lang ako s
