PAGLINGON ni Mama ay nagtayuan at lumapit ang dalawang babae mula sa malayong lamesa. Nagtinginan pa sa’min ang ibang parokyano ng restaurant dahil sa komosyong dulot noong dalawang babaeng tumawag sa pangalan niya.
“OMG, Lina! How long has it been? 8 years? Saan ka ba nagtago? Hindi ka namin nakita for a long while. Are you back from abroad ba? Is this your daughter? Teka parang wala naman kaming nabalitaan na nag-asawa ka? Last time I heard, lumayas ka sa bahay ninyo at sumama sa lalaking may asawa!”
Nakita kong napayuko si Mang Pilo at napatikom ang kamay ni Mama. Nagbulungan din ang mga tao sa paligid na nakarinig ng malakas na boses ng babaeng lumapit sa’min.
“Pwede ba, hinaan mo ang boses mo dahil wala ka sa palengke.” Nakataas ang kilay na sabi ni Mama. Itinaas
