KINAGABIHAN, noong dumating na si Lola Angelica at kumakain na kami ng hapunan ay excited na excited kong ikinuwento sa kanya ang mga kaganapan sa mall na pinuntahan namin ni Mama.
“Lola, ang dami-daming mga damit at iba-iba ang kulay!” Pinahaba ko pa ang pagsasalita ng salitang dami kaya naman hindi mapuknat ang ngiti sa mukha niya.
“Marami ka bang nabili, apo?” tanong niya.
“Opo. Si Mama ang daming nilagay sa cart! Nakailang balik si Mang Pilo sa kotse para maglagay ng napamili namin. Tapos Lola, kumain kami ang dami-dami ding pagkain! Iba po pala ang lasa ng pagkain kapag sa mall niluto? Pero parang mas masarap pa rin ang Jollibee, Lola.” Pagpapatuloy ko pa sa pagdaldal.
“Sige, sa susunod sa Jollibee naman tayo kakain,” sabi ni Mama habang ipinaglalagay pa ‘ko ng
