PAGBALIK namin sa opisina ng Chancellor na ninong ni Mama ay nagulat silang naroon na kami kaagad.
“Tapos na agad?” nagtatakang tanong ni Lola sa’min.
“Opo, Mama. One take lang po. Ito po, Ninong ang video paano ko po ipapadala?” tanong ni Mama. Pinapanood niya kina Lola at sa kanyang Ninong ang video recording. Pinagmasdan kong mabuti ang ekspresiyon ng mukha ni Lola at nang makitang nakangiti ito at halos nangingilid na rin ang luha ay lumapit na ‘ko sa kanya kaagad at sumandal sa kaniyang balikat.
“Napakahusay pala ng apo mo, Angelica. Mahusay ang unica hija mo, inaanak!” Nakangiting sabi ng Chancellor. Mukhang na-impress ko sila ng husto sa speech ko. Hindi nila alam na madalas ko iyon gawin sa dati kong paaralan. Kapag may mga activities ay laging ako ang lider kaya’t kada
