ANGELINA
PAGKAALIS nina Angel at Mama ay hindi ko alam kung iiyak ako o tatakbo palayo. Hindi ko magawang magalit dahil alam kong para sa akin din ang ginagawa ng aking Mama. Aaminin ko. Mahina na ang loob ko. Parang naubusan na ‘ko ng kumpiyansa sa sarili. Alam ko namang kasalanan ko ang lahat dahil sa mga pagkakamaling ginawa ko sa buhay. Mga maling desisyon na ngayon ay nagbibigay sa akin ng pagdurusa. Ang tanging maganda lang na naidulot ng mga pagkakamaling iyon ay ang nag-iisa kong anak na si Angel.
“Lina, are you free for coffee na?” tanong sa akin ni Serge. Habang nakatingin ako sa mukha niya ay nakaramdam ako ng awa at galit. Awa hindi lang dahil sa kanya kung hindi pati na rin sa akin. Bakit nga ba hinayaan naming dalawa na magkaganito na lang kami? Naaawa ako sa sarili ko na h
