PAGPASOK namin sa opisina ni Fatima ay itinuro niya ang isang maliit na sofa sa may gilid ng pintuan.
“Upo muna po kayo,” nakangiti niyang sabi. Naupo ako sa couch na itinuro niya habang sila Mama at Lola ay lumapit sa may lamesa.
Tiningnan ko ang buong silid. Maliit lang ito ngunit mukhang masinop. Puti ang pintura ng mga dingding. May ceiling fan sa kisame na mukhang luma na at kulay grey. Sa likuran ng lamesa ni Fatima ay mayroong grey na filing cabinet simula sa kaliwang dingding papunta sa kabilang dulo. Puno ng mga folder ang ibabaw ng filing cabinets na nakahilera at may kanya-kanyang label. Ang lamesang itim na kahoy ay mayroong itim din na malaking swivel chair kung saan naupo si Fatima matapos makapwesto ni Lola at Mama sa tig-isang upuan sa tapat ng lamesa. Wala ma
