“Ang tagal ninyo. Ang init pa naman,” bati ni Fiona habang binubuksan na ang front door screen upang pumasok sila ng bahay. Naunang pumasok ang tatlong babae. Sinadyang magpaiwan ni Dash at Ezra para makausap si Oz.
“Dude, ano? Okay na kayo?” tanong ni Ezra sa kaibigan.
“Ano namang akala mo sa’kin? War freak?” Napapailing na sabi ni Oz.
“Hindi ka nga gano’n kaya nga nagulat kami na nakipagsigawan ka pa kay Fiona kanina,” sagot ni Dash. Sa totoo lang hindi niya rin alam kung bakit triggered siya masyado kay Fiona. Pakiramdam niya ay gusto niyang patulan ito tuwing sisigawan siya o magagalit sa kanya.
“May history kasi kaming nagtatalo. Baka it rubbed on me. Nakita mo naman, okay na kami ‘di ba?” Ngumisi si Oz dahil hindi naman rin niya sigurado kung okay na nga sila.
