“Kahit kailan ka talagang kalaro hindi na ‘ko nanalo.” Nagrereklamong sabi ni Ezra nang nakatatlong laro na sila ng bilyar ay laging sina Fiona at Oz ang nanalo. Bukod sa napakagaling ni Oz ay marunong din naman si Fiona. Pagkatapos ng game ay lumapit si Blaze sa pinsan at yumakap ito rito.
“Sa dinalas-dalas mo sa bahay at naglalaro nito kasama namin, kailan ba kayo nanalo sa’kin?” Mayabang na sagot naman ni Oz. Napangiti at napailing sina Fiona at Blaze nang simangutan ni Ezra ang kaibigan. Lumapit si Ezra sa lagayan ng mga taco at namili ng bagong magagamit. Napansin ni Oz na bumulong si Blaze sa pinsan niya at tumango naman ang isa.
“Magpustahan na lang tayo.” Nakangising sabi ni Fiona habang nakatitig kay Blaze. Napangisi muna ang may-ari ng bahay bago muling nagsalita si
