ABALA na sa pag-aaral ng mga pasikot-sikot sa Real Estate and Development Business nila si Oswald. Isang linggo siyang pagod na pagod sa trabaho dahil sa dami ng inaaral niya tungkol sa negosyo kasama na rin ang pagmemorya ng mga pangalan ng mga importanteng tao at kliyente nilang kailangan niyang matandaan at maisapuso. Kilala ang ama niya bilang matatas sa pangalan at sa pagbasa ng ekspresiyon ng tao kaya’t ganoon din ang gustong ipagawa sa kanya nito. Not only the knowledge in business but also the strategies of doing business. Kaya naman noong tinawagan siya ng kaibigang si Dash na abala sa panliligaw kay Dara at sa pag-aaral din ng sariling negosyo ng pamilya ay malugod siyang pumayag sa imbitasyon nito na magbakasyon ng weekend sa isang Rancho sa Batangas.
“Dude, we
