CHAPTER EIGHTEEN: The Consequences
Mabigat kong inihakbang ang mga paa ko paggising. Maga pa ang mga mata kong nababad sa magdamag na pag-iyak. Kumakalam na ang aking sikumra pero wala akong ganang kumain. Ni hindi ko ngang magawang sabayan sa pagkain ang sarili kong mga magulang.
Nag-asikaso na ako para pumasok. Wala sana akong balak pero kailangan. Kailangan kong makatapos. Ito na lang kasi ang natatanging paraan para makawala ako sa kanila. Sa panahong iyon, kaya ko na... kaya ko na ang sarili ko.
Pagbaba ko ng hagdan, natagpuan ko si Mom sa sala na nagbabasa ng dyaryo habang nasa kanang kamay ang isang tasang kape na lalagukin niya. Walang bakas ni Dad nang mga sandaling iyon. Marahil ay pumasok na sa trabaho.
Hindi ko na siya pinansin at mabilis na naglakad papuntang pintuan. Paha
