Masakit ang ulong bumangon si Shanaya. Subalit, gusto man niyang hawakan ang ulo, hindi niya maikilos ang mga kamay. Pinilit niyang igalaw pero mga nakatali ang mga ito. Madilim din ang paligid.
Nasaan ba siya?
Parang sagot sa kaniyang katanungan, biglang bumukas ang pinto. Pinilit bumangon ni Shanaya kahit pa hirap siya. Eksaktong nakasandal na siya sa headboard ng kama, dahil naramdaman niyang nasa kama siya, bumukas ang ilaw. At hindi na siya nagulat ng si Miss Dimagiba ang kaniyang nabungaran. Ito ang huling nakasama niya bago pa man siya mawalan ng malay. At naalala niya, pinainom siya ng juice nito.
Ang ipinagtataka lang niya, bakit?
"Hello, Bella. How are you feeling?" Ilang dipa lang ang layo nito sa kaniya. Nakataas ang kilay na sumagot siya rito.
"Anong ginawa mo sa akin? Ba
