EVELYN
Nagcheck-in ako sa malapit na motel pero nagulat ako ng biglang tumawag sa akin si papa. Galit siya at pinapabalik niya ako sa condo.
“Papa, ayaw ko na po doon. Isang gabi lang naman po ako dito.”
“Evelyn, ‘wag mong hintayin na puntahan kita d’yan ngayon.” alam ko na galit na si papa kapag binabanggit niya ang pangalan ko.
Naiinis ako dahil sigurado ako na sinumbong ako ni gurang. Sumbungero talaga siya! Nakakainis na!
“Papa naman eh.”
“Bakit ka magmomotel? Kasama mo ba ang boyfriend mo? Bakit gusto mo na bang mag-asawa?” galit na naman na tanong niya.
“Ibalik niyo na nga lang ako sa Korea. Mas gusto ko doon kaysa dito,” sabi ko sa kanya sa sobrang inis ko.
“Sige, ibabalik na kita doon kung ‘yan ang gusto mo. Hintayin mo ako d’yan dahil susunduin kita.” sabi niya sa akin at
