EVELYN
Umuwi ako ngayon dito sa lolo. Ngayong gabi kasi ang flight ko at kasalukuyan akong nag-iimpake ng mga gamit ko. May mga gamit naman ako doon kaya kaunti lang ang dadalhin ko. Doon pa rin naman ako titira sa dati naming bahay.
“Sweetie, ako ang maghahatid sa ‘yo sa airport.” sabi sa akin ni papa.
“Papa, kaya ko na po. Magbook na lang po ako ng sasakyan papunta doon. Malaki na ako kaya ‘wag kang mag-alala sa akin. Sabi mo puwede na akong mag-asawa,” natatawa na sabi ko sa kanya.
“Galit lang ako kaya sinabi ko ‘yon,” sabi naman niya.
“Kaya ko na ito, papa ko.” malambing na sabi ko sa kanya.
“Are you sure?” tanong niya sa akin at alam ko na nag-aalala siya. 7
“Opo, papa. Ayaw kong makita na umiyak ka,” pabiro na sabi ko sa kanya.
“Hahaha, ingat ka doon sweetie. Mahal na mahal
